# 泛粵典安卓版

當前版本：v0.6.7/230102

更新說明：

由於內地使用 HTTP 的域名被污染，現全面使用 HTTPS（原使用 HTTP 部分與上行傳輸無關）

本安卓應用爲開源項目 (opens new window)，歡迎 issue 及 star。

下載地址

以下係「泛粵典安卓版」嘅介紹。

# 1. 泛粵典

泛粵典旨在收集現時各地讀音、歷史韻書地位及擬音，同時提供咗啲基本查詢功能，包括查字、查音。未來再繼續加入查韻（按音韻地位檢索）及查詞等功能同埋更多字表。

本應用爲泛粵典嘅安卓終端版本。由於服務器嘅數據仍然不斷更新緊，且有啲數據未得到原作者授予完全公佈嘅權限，故此，本應用暫仍需使用網絡向服務器查詢。而服務器唔喺境內，查詢或顯遲鈍，望見諒。

此外，受限於本應用嘅受眾定位，若果接觸粵語音韻知識較少嘅人（有如尋求學習粵語途徑者），本應用可能會顯得不甚友好。

# 2. 通用字表與泛粵字表

本應用粵語拼音方案使用擴展粵拼（下簡稱 J++），調號方案大多見於泛粵聲調表 (opens new window)。

通用字表（或稱「通語字表」），收集嘅係粵官共有，或使用範圍較廣嘅字。

相比小學堂，此處各地字表、韻書數據都係由嶺南粵音群內各地學者提供（詳見本文底部名單），由此地方音基本上都係佢哋經過自我審查、去除猩化讀音後嘅當地音。

爲咗方便對比，字頭下低跗注咗《廣韻》地位信息 (opens new window)以及 Polyhedron 嘅中古拼音 (opens new window)，其表示方法同「漢字古今中外讀音查詢」App (opens new window)。

通用字表查字

其中，字項右上角部分顯示嘅係韻書音，「分韻」代表《分韻撮要》（尺牘版） (opens new window)，「英華」代表《英華分韻撮要》 (opens new window)

地方音表格地方名稱後爲 J++ 及相應嘅 IPA (opens new window)記音。偶有第四列作爲備註，通常係對多音字嘅例詞或說明。

查詢通用字表時可以同時檢索多個漢字，支持自動簡轉繁。但需要注意不可同時檢索多於十個漢字，且對兼容字支持不佳。

亦可以使用 J++ 來查詢各地嘅同音字，此時直接輸入讀音並查詢即可。

通用字表查音

調號可以省略代表「聲調不敏感」。

泛粵字表收錄泛粵粵語中相較普通話更有「粵語特色」嘅字，並使用擴展粵拼（J++）記錄該字喺各點中嘅讀音。截至 2021 年 2 月，表內已收錄三千餘項。

雖然字表釋義可能兼顧唔到多地用法，各地嘅記錄亦都可能受限於編者知識而未夠精準，但起碼可以將呢啲特色字不分地位噉數位化記錄保存，同時可大致確定某字某義嘅使用範圍。反之，各地字音亦都可以提供畀字頭更精細嘅音韻地位信息。

泛粵字表查字

上圖係喺「泛粵字表」中查詢「睏」嘅結果。左側從上到下依次爲錔字、統一碼、其他字形（如民間俗字、僞本字）、綜合音。實際展示嘅順序可能與此處說明有異。

「錔字」唔代表本字或正字，而只係基於音、義來揀出嘅相對合理嘅字，因此既不過分追求本字，不抵制使用口字旁俗字，亦不強求作爲日常打字使用。
「綜合音」唔代表正音，亦唔代表歷史讀音，而係融合各選點最高舉處而成嘅人工音系。「綜合音」有時難免會有誤標嘅情況，故還請多多參照後邊各方言點標註嘅讀音。

由此，本應用不持有任何「正音」或「正字」嘅立場。

右側分爲「釋義」、「各地讀音」、「語義場」三部分：

當「釋義」有粗體字時，應僅關注粗體部分，其它義項通常取自當前字頭嘅古字典釋義或通語解釋，而唔代表某地有呢啲意義。
「各地讀音」部分默認會對各地點著色，著色參數可于設置界面調整。其中顏色越相近、兩地差異越小，色相可認爲係該點嘅分片歸屬；讀音部分同樣使用 J++ 標示，若帶有斜體問號「?」則表示當前讀音不確定，若有下劃線「_」則表示該方言點無此說法。
「語義場」指明該字含義嘅分類，僅部分字會用到。

與通用字表唔同嘅係，此處暫時一次只能檢索一個漢字，且不再支持自動簡轉繁。

同樣，可以使用 J++ 查詢綜合音，或者喺下拉列表指定以某一地嘅讀音來查詢。

泛粵字表查音

注意，請勿將「綜合音」等同廣州音/香港音，綜合音嘅制定依據如下：

聲母：

z c s / zh ch sh：分韻精照（精 i 相容師韻 ii，故唔再標）

j / nj：分韻日母

韻母：

aa / ae / e / i：ae 儘量表示二等，視乎順德等埞有冇高化；e 陰聲韻儘量表示蟹同埋支白，i / e 陽（入）聲韻見後

o / oe：oe 除咗音系表示果三合之外，亦表示果開白讀，視乎具體文白

ui / ooi / yi / yu：分韻魁（ui）雖（ooi）諸（yu）韻，切要裂化精組遇（yi）視乎各埞有冇裂化

im in ing / em en eng：三四等文白，儘量照顧白讀，亦考慮各方音文白比例（入聲韻同理）

ing / yng：梗曾三四等，視乎鬱林等埞有冇圓脣（入聲韻同理）

ong / owng：宕江，視乎鬱林等埞有冇圓脣（入聲韻同理）

聲調：

入聲 4 / 6：上下陽入，視乎元音長短，主要參照鬱林